Fil-ftuħ tas-Sessjoni Plenarja fi Strasburgu, il-President tal-Parlament Ewropew Roberta Metsola qalet li l-Ewropa se tkompli tagħti spinta biex tgħin lill-Venezwelani fil-mument ta’ bżonn tagħhom.
B’niket kbir, il-Parlament tagħna sar jaf bl-aħbar tat-terremoti devastanti li heżżu lill-Venezwela f’dawn l-aħħar ġimgħat, li qatlu eluf ta’ nies u ħallew mijiet oħra nieqsa. Il-kobor tad-devastazzjoni huwa tal-waħx: twittew blokok ta’ appartamenti, inqerdu infrastrutturi kritiċi, kwartieri sħaħ spiċċaw terrapien. Jiena kburija li l-Ewropa interveniet biex tgħin lill-Venezwelani f’dan il-mument ta’ bżonn. Permezz tal-Mekkaniżmu għall-Protezzjoni Ċivili, mobilizzajna l-għajnuna li ġiet mill-Ewropa kollha biex insostnu l-isforzi ta’ rkupru u bgħatna l-aktar ċittadini Ewropej kuraġġużi minn diversi Stati Membri biex jagħtu l-għajnuna. L-Ewropa se tkompli tieqaf mal-Venezwela. Il-ħsibijiet ta’ dan il-Parlament imorru lil dawk li huma f’luttu u lil dawk li għadhom qed jistennew x’sar mill-għeżież tagħhom.